ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ବାବଦରେ କିଛି ଗୁରୁତ୍ୱପୂର୍ଣ୍ଣ ତଥ୍ୟ ଯେନ ଟା ସଭେ ଜାଣବାର ଜରୁରୀ ଏ

ଇ ପୋଷ୍ଟ ଆଗରୁ ବି ଥରେ କରିଥିଲି ଆଉ ଆଜି ଫେର ଥରେ ଆବଶ୍ୟକ ହେଲା ବୋଲି କରୁଛେ ଯେ ଦେଖବାର କେ ମିଲୁଛେ ଯେ ଅନେକ ଲୋକ ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା ବାବଦରେ ନୁହେଁ ବୁଝନ ଭଲ ସେ.. 

୧)ପହେଲା କଥା ହେଉଛେ ଇ ଯୋଜନା ଟା ଘରୋଇଡାକ୍ତରଖାନା ମାନଙ୍କୁ କାମ କରସି ଆଉ କାର୍ଡ଼ ହେନୁ ହିଁ ଚଳସି,ଅନେକ ଲୋକ ଇ ବାବଦରେ ନି ଜାଣି ଆଉ ଉଚିତ ମାର୍ଗଦର୍ଶନ ବି ନାଇଁ ପାଏବାର..

୨)ତଳେ ଯେନ ଚିଠି ଅଛେ ହେଥିରେ ଲିଖା ହେଇଛେ ଯେ ଯଦି ତଳେ ଦିଆଯାଇଥିବାର କେନ୍ସି ବି କାରଣ ଥିବା ତ ସାଙ୍ଗେ ସାଙ୍ଗ BSKY Empanelled Hospital କେ Refer କାରବାର କେ ନିର୍ଦେଶ ଅଛେ

କ)ସରକାରୀ ଡାକ୍ତରଖାନାରେ ସୁବିଧା ହେଇ ନି ପାରବାର କିମ୍ବା ସେହି ଚିକିତ୍ସା ସୁବିଧା ଯଦି ନେନ ଘରୋଇ ଡାକ୍ତରଖାନାକେ ରେଫର କରବାର ବ୍ୟବସ୍ଥା ଅଛେ 

ଖ)କିଛି ବି ଚିକିତ୍ସା କିମ୍ବା ଅସ୍ତ୍ରୋପଚାର ଲାଗି ଯଦି ଲମ୍ବା ସମିଆ ତକ ଅପେକ୍ଷା କରବାର ପଡୁଛେ

ଗ)କେନ୍ସି ବି Emergency କେସ

   ଗୁଟେ ଜିନିଷ ଧ୍ୟାନ ଦେବାର ଅଛେ ଯେ ଇ ରେଫର କରବାର ଟା ଯେହେତୁ ଇଚ୍ଛାଧୀନ କାମ ଏ ତ ରୋଗୀ ନିଜେ ଡାକ୍ତର କେ କହେବାର କେ ପଡ଼ସି.

    ଇ ଭଳିଆ ସୁବିଧା ଥାଇକରି ବି ଲୋକ ସଚେତନତା ଅଭାବରୁ କିଛି ଫାୟଦା ନି ଉଠାବାର, ସରକାରୀ ଡାକ୍ତରଖାନାରେ Bed ନି ମିଲଲେ ତଳେ ସୁଇ ପାରୁଛନ ପଛେ କାର୍ଡ଼ ବ୍ୟବହାର କରିକରି ତାର ଫାୟଦା ନି ଉଠାବାର .

କିଛି ଦିନ ତଳର କଥା ମୋତେ ଜଣେ ଫୋନ କରିଥିଲେ ଗୁଟେ ମହିଳା ରୋଗୀ ବାବଦରେ ଯାହାଙ୍କର ପାଖେ BSKY କାର୍ଡ଼ ଭି ଥିଲା.ବୁର୍ଲାରେ ତାହାଙ୍କୁ Bed ଭି ନାଇଁ ମିଳିଥାଇ ,ମୁଇଁ ତାହାକୁ କହେଲି BSKY ରେ ୧୦ ଲକ୍ଷ ଟଙ୍କା ପର୍ଯ୍ୟନ୍ତ ମାଗଣା ଚିକିତ୍ସା ଅଛେ ସାଙ୍ଗେ ସାଙ୍ଗ Shift କରିନିଅ ଭଲ ଚିକିତ୍ସା ପାଏଲେ ରୋଗୀ ଭଲ ହେଇଯାଇପାରନ୍ କିନ୍ତୁ ସେ ମୋର କଥାକେ ବାରମ୍ବାର କହେଲା ପରେ ବି ନାଇଁ ଧ୍ୟାନ ଦେଲେ. କିନ୍ତୁ ବୁର୍ଲା ସରକାରୀ ଡାକ୍ତରଖାନାରେ ବହୁତ ଦିନ ତକ ରାହେଲା ପରେ ଶେଷକେ ଜୀବନ ପଳେଇ ଗଲା..

      ସବୁ ସୁବିଧା ଥାଇକରି ବି ଯଦି ଆମେ ତାର ଫାୟଦା ଉଠେଇ ନି ପାରମା ବାଏଲେ ବହୁତ କଷ୍ଟ ହେସି.. 

ଯେତକି ବି ମୋର ଫେସବୁକ ବନ୍ଧୁମାନେ ଅଛନ ଇ ଜିନିଷ କେ ନିଜେ ବୁଝବାର ସଙ୍ଗେ ସଙ୍ଗେ ଦୟାପୁର୍ବକ ସମସ୍ତଙ୍କୁ ବୁଝାବାର କେ ଚେଷ୍ଟା କରୁନ ଇତାର ଦ୍ୱାରା ବହୁତ ଲୋକଙ୍କର ଜୀବନ ବଞ୍ଚିପାର୍ବା..ଇ ବାବଦେ ଯଦି କାହାର କିଛି ପ୍ରଶ୍ନ ଅଛେ ମୋତେ କମେଣ୍ଟ କରିକରି ପଚରେଇ ପାରବେ

 CMO Odisha Mo Sarkar 5T Biju Swasthya Kalyan Yojana