ଆମର ପଶ୍ଚିମ ଓଡ଼ିଶାର ପ୍ରାଣକେନ୍ଦ୍ର ଭୀମସାର ବୁର୍ଲାରେ ବିପଦ
ସମିଆରେ କାମ କେ ଆଏବାର କିଛି ଅନୁଭୂତି ଜାହାକେ ସେୟାର କରବାର ଦ୍ୱାରା ଅନ୍ୟ ଲୋକମାନେ ସେନ୍ତା ପରିସ୍ଥିତି ରେ ଉଚିତ ମାର୍ଗଦର୍ଶନ ପାଇକରି ଅନେକ ଜୀବନ ରକ୍ଷା କରିପାରବେ...
ଦୁର୍ଘଟଣା ହେଉ କି ଅନ୍ୟ କିଛି ଗୁରୁତର ବେମାର ହେଉ ଆମର ଫାଳର ଲୋକମାନେ ବୁର୍ଲା ତକ ଗଲାପରେ ଆଗକେ ପ୍ରାୟ ବୁଦ୍ଧି ବନା ହେଇଯାଏସି. ଯଦି ବୁର୍ଲା ଭଳିଆ ଜାଗାରେ #ଆଇସିୟୁ ନି ମିଲଲା ତ ଅନେକ ଜୀବନ ପଳେଇ ଯାଏସି. ହେନ୍ତା ପରିସ୍ଥିତି ରେ ଆମର ପାଖେ କେଁ କେଁ ବିକଳ୍ପ ରହୁଛେ ସମସ୍ତଙ୍କୁ ଜଣାବାରକେ ଚାହୁଁଚେ ଯାହାର ଦ୍ୱାରା ନିଜର ପରିବାର ର କାମ ଏବାର ସଙ୍ଗେ ସଙ୍ଗେ ଅନ୍ୟ ଲୋକମାନେ ବି ଉଚିତ ମାର୍ଗଦର୍ଶନ ପାଇକରି ଅନେକ ଲୋକଙ୍କର ଜୀବନ ବଞ୍ଚେଇ ପାରବେ
୧:-ପହେଲା କଥା ସରକାରୀ ନିୟମ
ରହିଛେ ଯେ ଯଦି କେଂସି ସରକାରୀ ଡାକ୍ତରଖାନାରେ ଚିକିତ୍ସା ସୁବିଧା ନେନ କିମ୍ବା ଚିକିତ୍ସା ଅଯଥା ବିଳମ୍ବ ଘଟୁଛେ ତ ସେ ଡାକ୍ତରଖାନାର ଅଧିକ୍ଷକ ମାନେ ସାଙ୍ଗେ ସାଙ୍ଗ ତାହାକୁଁ ଉଚ୍ଚତର ଚିକିତ୍ସା ଲାଗି ବଡ଼ ଡ଼ାକ୍ତରଖାନା କିମ୍ବା ବିଜୁ ସ୍ୱାସ୍ଥ୍ୟ କଲ୍ୟାଣ ଅଧୀନରେ ଥିବାର ପ୍ରାଇଭେଟ ଡାକ୍ତରଖାନାକେ ରେଫର କରବାର କଥା କିନ୍ତୁ ଏନ୍ତା ନାଇଁ ହେବାର ବୋଲି ଅନେକ ଲୋକଙ୍କର ମୃତ୍ୟୁ ବୁର୍ଲାରେ ନିତିଦିନିଆ ହେଉଛ
୨:-ଦେଖା ଯାଏସି ଯେ ଯଦି କେନ୍ସି ରୋଗୀକେ Emergency ICU ଦରକାର ଥିସି କିନ୍ତୁ ଡାକ୍ତରଖାନାରେ ସେଟା ଉପଲବ୍ଧ ନି ଥିବା କିନ୍ତୁ ରୋଗୀକେ ଅଲଗା ଡାକ୍ତରଖାନାକେ ପଠାବାର(ଯଦି ରୋଗୀ କେ ନେଵାର ରେ କେଂସି ଅସୁବିଧା ନି ଥିବା) ପରିବର୍ତ୍ତେ ୫-୧୦ ଦିନ ତକ ବିନା ଆଇସିୟୁ ରେ ରଖିକରି ସମିଆ ପଡ଼ଲେ ମୃତ୍ୟୁ ବି ହେଇଯାଏସି.
୩:-ବୁର୍ଲାରେ ଆପଣମାନେ ଅନୁମାନ କରିଥିବେ ଯେ ଯଦି ବୁଢ଼ାବୁଢ଼ୀ ମାନଙ୍କୁ ICU ଦରକାର ଥିବା ତ ସେନୁ ଜୁଆନ ଲୋକ ଥିଲେ ତାହାକେ ଅଧିକ Priority ମିଲସି ଯେନ ଟା କି ଆମର ପରିବାର ସଙ୍ଗେ ବି ବିତିଛେ.
୪:-କିଛି ଗରିବ ଲୋକମାନଙ୍କର କେହି ନାଇଁ ଥିଲେ କିମ୍ବା ତାର ଲାଗି କୌଣସି Recomendation ନି ଥିଲେ ହେନ୍ତା ପଡ଼ିକରି ରହିଥିସନ..
ଆମର ଲୋକମାନେ ଏନ୍ତା ଅନେକ ପରିସ୍ଥିତିର ସାମ୍ନା କରୁଛନ୍ ହେ ସମିଆରେ କେଁ କେଁ କରବାର କଥା ମୋର ଅନୁଭୂତି ରୁ କହୁଛେ..
୧:-ପହେଲା କଥା ଯେ ଯଦି ଚିକିତ୍ସା ବିଳମ୍ବ ହେଉଛେ ଆଉ ରୋଗୀକେ ଶିଫ୍ଟ କରବାର ଅବସ୍ଥାରେ ଅଛେ ତ ସେନୁ ଥିବାର ଡାକ୍ତର କିମ୍ବା ବିଭାଗୀୟ ମୁଖ୍ୟ କେ କହିକରି କଟକ ବଡ଼ ମେଡିକାଲ ରେ ରେଫର କରବାର ଲାଗି କହେବେ।
୨:-ଯଦି ରୋଗୀକେ Emergency ICU ଦରକାର ଅଛେ ଆଉ ବେଶୀ ଦୂର ଶିଫ୍ଟ କରବାର ଅବସ୍ଥାରେ ନେନ ତ ସେନୁ ବିକଳ୍ପ ଅଛେ ଯେ ୧୦୪ ନମ୍ବର କେ ଫୋନ କରିକରି Biju Swasthya Kalyan Yojana
ର କେଂସି ବି ହସ୍ପିଟାଲ କେ ଯାଇକରି ତୁରନ୍ତ ଚିକିତ୍ସା ପାଇପାରବେ.
୩:-ଯଦି କଟକ ବଡ଼ ମେଡିକାଲ
କିମ୍ବା ଏମ୍ସ ଭୁବନେଶ୍ୱର
କେ ଫୋନ କରିକରି ମାଗଣାରେ
ଆମ୍ବୁଲାନ୍ସ
ସହାୟତା ରେ ସେ ଜାଗା ମାନଙ୍କୁ ଯାଇପାରବେ।ଧ୍ୟାନ ଦେବେ ଯେ ହସ୍ପିଟାଲ ରେ ପ୍ରାଇଭେଟ ଆମ୍ବୁଲାନ୍ସ ମାନେ ତାଙ୍କର ଗାଡ଼ିରେ ନେଵାର ଲାଗି ନାନା ବାହାନା କରୁଥିସନ।ଆପଣମାନେ କାହାରି କଥା ଶୁଣବାର ନେନ ସିଧାସଳଖ ୧୦୮ରେ କଟକ ନେହେଲେ ଭୁବନେଶ୍ୱର ପଲାବେ.
୪:-ଦୁହି ହସ୍ପିଟାଲରେ ବହୁତ ଭଲ ଚିକିତ୍ସା ହେଉଛେ ଫିର ଭି ଯଦି ହସ୍ପିଟାଲ ବେଡ଼ ନି ମିଲବାର କି ICU ନି ମିଲବାର ତ ସେନୁ ଶହ ଶହ BSKY Empanalled
ହସ୍ପିଟାଲ ମାନେ ଅଛେ ରାସନ କାର୍ଡ଼ ଦେଖେଇକରି ମାହାଳିଆ ଚିକିତ୍ସା କରିପାରିବେ.
ଆଜି ଇ ପୋଷ୍ଟ କରବାର ଉଦ୍ଦେଶ୍ୟ ହେଲା ଯେ ଏନ୍ତା ଘଟଣା ମାନେ ପ୍ରତିଦିନ ଘଟୁଛେ ଆଉ ଆମେ ଇ ଭଳିଆ ମାର୍ଗଦର୍ଶନ ଦେଇ ଆସୁଛୁ ତ ଇ ଜିନିଷ ମୁଇ ଏକଲା ଜାଣିଥିଲେ ବେଶୀ ସେ ବେଶୀ ଦିନକ ୫ ଲୋକଙ୍କୁ ସହାୟତା କରିପାରମି କିନ୍ତୁ ଆପଣମାନେ ସମସ୍ତେ ଜାଣିକରି ଅନ୍ୟ ଲୋକମାନଙ୍କୁ ସେୟାର କର୍ଲେ ଅନେକ ଲୋକଙ୍କର ଜୀବନ ବଞ୍ଚି ପାରବା ବୋଲି ମୋର ଆଶା. ଗତ ସପ୍ତାହରେ କେବଳ ଏନ୍ତା ୩ ଟା କରା ହେଇଛେ ଆଉ ସେମାନେ ଉପଯୁକ୍ତ ଚିକିତ୍ସା ପାଇପାରିଛନ..
