ଆଜି ହେଉଛେ "ବିଶ୍ୱ ଶ୍ରମିକ ଦିବସ" ଇତାର ଉଧେ ଦେଶର ଉନ୍ନତି ଲାଗି ଅହରହ ପରିଶ୍ରମ କରୁଥିବାର ସବୁ ଶ୍ରମିକ ଭାଇ ଭଉଣୀ ମାନଙ୍କୁ ଗୁର୍ଦୁଟେ ଶୁଭେଚ୍ଛା ଆଉ ଶୁଭକାମନା ଜଣାବାର ସାଙ୍ଗେ ତାଙ୍କର କାମ କେ ମନ ଭିତରୁ ସ୍ୟାଲୁଟ କରୁଛେ..
ମୁଇଁ ଭି ଆଗରୁ ଶ୍ରମିକ ହିସାବରେ କାମ କରିଛେ ବାପା ସଙ୍ଗେ ଆଉ ମହାତ୍ମା ଗାନ୍ଧୀ ଜାତୀୟ ଗ୍ରାମୀଣ ନିଶ୍ଚିତ କର୍ମନିଯୁକ୍ତି ଯୋଜନାରେ ୫ ଦିନ କାମ କରିକରି ୪୫୦ ଟଙ୍କା ମଜୁରୀ ବି ପାଇଛେ.
ନିଜର ତରଫରୁ ପଞ୍ଚାୟତ କେ ଯାଇକରି କାମ ମାଗଲା ପରେ ପଞ୍ଚାୟତ ତରଫରୁ C2 ଫର୍ମରେ
କାର୍ଯ୍ୟାଦେଶ ପାଇକରି କାମ କରି ଯାଇଥିଲୁ. ଇ କାମ କରଲା ପରେ ଠିକ ଭାବେ ପାଉଣା ଭି ମିଳିଥିଲା. କିନ୍ତୁ ଆଜି ବି ଶ୍ରମିକ ମାନେ ଇ ଭଳିଆ କାମ ନି ମାଗିକରି ଶୋଷଣର ଶିକାର ହେଉଛନ୍.
ଇତାର ମୂଳ କାରଣ ହେଉଛେ ଲୋକଙ୍କର ଭିତରେ ଅସଚେତନତା ଆଉ ଦୁର୍ନୀତି ଖୋର ଅଧିକାରୀ ମାନଙ୍କର ବ୍ୟକ୍ତିଗତ ସ୍ୱାର୍ଥ ଯେନ ଥିର ଲାଗି ଲୋକମାନେ ଭଲ ସୂଚନା ଭି ନାଇଁ ପାଇପାରବାର.ଇହାଦେ ବି ମନରେଗା ଯୋଜନାରେ କାଗଜପତ୍ର ହିସାବରେ ସବୁ ଏକ ନମ୍ବର କାମ ଦର୍ଶା ହେଉଛେ କିନ୍ତୁ ପ୍ରକୃତରେ ଯିଏ କେଭେଁ ବି କାମ ନି କରବାର ତାଙ୍କର ଆକାଉଣ୍ଟରେ ଟଙ୍କା ପଡ଼ିକରି କଳାଧନ ସୃଷ୍ଟି ହେଉଛେ.ପ୍ରକୃତ ଶ୍ରମିକମାନେ, ଯେନ ମାନେ କାମ କରବାର ଲାଗି ଚାହୁଁଛନ୍ ସେମାନଙ୍କର ଆକାଉଣ୍ଟ ରେ ଭଲ ସେ ଟଙ୍କା ନାଇଁ ପଡ଼େ କିନ୍ତୁ ତାର ବିପରୀତ ଯେନ ମାନେ କାମ ନାଇଁ କରୁଥିବେ ତାଙ୍କର ଆକାଉଣ୍ଟ ମାନକେ ଟଙ୍କା ପଡ଼ସି. ଇଥିର ଲାଗି ସେ ନକଲି ଶ୍ରମିକ ମାନେ ବି ଦୋଷୀ ଆନ ଯେନ ମାନେ ୧୦୦୦ ଟଙ୍କା ପାଏଲେ ୧୦୦ ଟଙ୍କା ରଖିକରି ୯୦୦ ଟଙ୍କା ଫିରେଇ ନେସନ..
ଇ ସମସ୍ୟାର ସ୍ଥାୟୀ ସମାଧାନ କରବାର ଲାଗି ହେଲେ ପହେଲା ଆମକୁ ନିୟମ କାନୁନ ଜାଣବାର କେ ପଡ଼ବା ତାର ପରେ ସେଟା କେ ଅନୁସରଣ କରିକରି କାମ କଲେ କେହି ଦୁର୍ନୀତି କରି ନାଇଁ ପାରନ୍..
ଇଟା ବି ଠିକ କଥା ଯେ ଅଧିକାଂଶ ଶ୍ରମିକ ଇ ମେସେଜ କେ ଦେଖି ନାଇଁ ପାରନ୍ କିନ୍ତୁ ଯେନ ସଚେତନ ଭାଇଭଉଣୀ ଇ ପୋଷ୍ଟ କେ ଦେଖବେ ସେମାନେ ଚାହେଲେ ଇ ସଚେତନତା ବାର୍ତା ସେମାନଙ୍କୁ ଛୋଟ ଛୋଟ ଦଳ କରିକରି ବୁଝେଇ ପାରବେ..
କେତେଟା ବିଶେଷ ସୂଚନା:-୧)ତଳେ C1 ଫର୍ମର ଗୁଟେ Sample ଦିଆଯାଇଛେ ହେନ୍ତା ଟା ସବୁ ପଞ୍ଚାୟତ ଅଫିସ ମାନଙ୍କେ ମିଲସି ସେନକେ ଯାଇକରି ଶ୍ରମିକ ମାନେ କାମ ମାଗି ପାରବେ
୨)କାମ ମାଗଲା ଉତ୍ତାରୁ ପଞ୍ଚାୟତ ତରଫରୁ ୧୫ ଦିନ ଭିତରେ କାମ କରବାର ଲାଗି ବ୍ୟବସ୍ଥା କରବେ ଆଉ C2 ଫର୍ମରେ କାର୍ଯ୍ୟାଦେଶ ବଣ୍ଟନ କରବେ
,ଯଦି ଦେଇ ନି ପାର୍ଲେ ବଏଲେ MGNREGA ଧାରା ୭(୧) ଅନୁସାରେ ସରକାରୀ ହିସାବରେ ଦିଆଯାଉଥିବାର ମଜୁରୀର ଅଧା ପଏସା ବେରୋଜଗରୀ ଭତ୍ତା ଆକାରେ ମିଲବା.
୩)ଝନେ ଶ୍ରମିକ ଯଦି କାମ କରଲା ଉତ୍ତାରୁ ୧୫ ଦିନ ଭିତରେ ତାର ପାଉଣା ନାଇଁ ପାଏଲା ବଏଲେ MGNREGA ଆଇନ ଧାରା ୩(୩) ହିସାବରେ ୦.୦୫ % ହିସାବରେ କ୍ଷତିପୂରଣ ଭତ୍ତା ପାଏବାର ଲାଗି ହକଦାର ଆଏ ଆଉ ଇ ପଏସା ଟା ସେହି କର୍ମଚାରୀ ନିଜର ହାତୁ ଭରବେ ଯିଏ କି ନିଯୁକ୍ତି ପ୍ରଦାନ କରିଥିବା..
ଇ ଜିନିଷ ମାନେ ଆଜିବି ଅନେକ ଲୋକ ନାଇଁ ଜାଣି ହେଥିରଲାଗି ଶ୍ରମିକ ମାନେ ଶୋଷଣ ର ଶିକାର ହେଉଛନ୍,ସମସ୍ତେ ମିଶିକରି ଆମେ ଇ ଦୁର୍ନୀତି କେ ହଟେଇ ପାରମା ଆଉ ଶ୍ରମିକ ମାନଙ୍କୁ ସଚେତନ କରିକରି ଇ ବାବଦେ ଜଣେଇ ପାରମା.
ଇ ପୋଷ୍ଟ ପଢ଼ଲା ଉତ୍ତାରୁ ସେୟାର କରବାର ଲାଗି ଅନୁରୋଧ ଆଏ ଆଉ ଏନ୍ତା ଶ୍ରମିକ ସଚେତନ ସଭା କରିକରି ମୋତେ ଟ୍ୟାଗ କରିକରି ଜନାଳେ ମୋର ଏତକି ପରିଶ୍ରମ ସଫଲ ହେଲା ବୋଲି ଭାବମୀ ..
ଜୟ ଶ୍ରମିକ
ଜୟ ବିଶ୍ୱକର୍ମା
1 comment:
ବହୁମୂଲ୍ୟ ସୂଚନା ଦାଦା। ଆଉ ଜଣେ ପ୍ରତ୍ୟକ୍ଷ ଦୃଷ୍ଟାନ୍ତ ସୃଷ୍ଟି କାରୀ ସମାଜ ସେବୀ ଆଉ ସଚେତନ ନାଗରିକ ର ପରିଚୟ ଆନ୍ ଆପଣ 🙏🙏🥰🥰😍🙏
Post a Comment